‘పఠాన్’, ‘జవాన్’ సినిమాల‌తో తిరుగులేని ఈ ఏడాది సంచలన విజయాలను తన ఖాతాలో వేసుకున్న షారుఖ్ ఖాన్‌ ఏడాది చివర్లో మరో సినిమాతో ముందుకు వస్తున్నాడు. బాలీవుడ్ స్టార్ డైరెక్టర్ రాజ్ కుమార్ హిరాణీ ద‌ర్శక‌త్వం వ‌హించిన డంకీ మూవీలో తాప్సీ పన్ను హీరోయిన్‌గా నటిస్తోంది. షారుక్‌ ఖాన్‌, హీరాణీ సొంతగా నిర్మిస్తున్న ఈ సినిమా ఈనెల 22న విడుదల అవుతోంది. ప్రభాస్ నటించిన ప్రశాంత్‌ నీల్ సినిమా సాలార్‌కు పోటీగా వస్తోంది. సాలార్‌ పూర్తి యాక్షన్‌ మూవీ కాగా, డంకీ హీరాని స్టయిల్‌ మూవీ. ఈ సినిమా ట్రైలర్‌కు ఇప్పటికే విశేష ఆదరణ లభిస్తోంది. లండన్‌కు వెళ్ళేందుకు ప్రయత్నించిన ఓ పంజాబీ మిత్రబృందం కథే ఈ సినిమా. పాతికేళ్ళ క్రితం జరిగిన కథను షారుక్‌ చెప్పేలా సినిమాను తీసినట్లు కన్పిస్తోంది. ట్రైలర్‌ సూపర్‌ సక్సెస్‌ కావడంతో అడ్వాన్స్ బుకింగ్‌ ఎలా ఉంటుందనే టాక్‌ ఇపుడు పరిశ్రమలో నడుస్తోంది. ఓవ‌ర్సీస్‌ అడ్వాన్స్ బుకింగ్స్ ఇవాళే ప్రారంభమైంది. అడ్వాన్స్ బుకింగ్స్ ఆశాజనకంగా ఉన్నట్లు తెలుస్తోంది.
