సింహాద్రి అప్పన్న స్వామిని ప్రముఖ సినీనటుడు, ఎమ్మెల్యే బాలకృష్ణ దర్శించుకున్నారు. రూలర్‌ సినిమా ఈనెల 20వ తేదీన విడుదల అవుతున్న నేపథ్యంలో ఆయనతో పాటు చిత్ర బృందం కూడా పూజలో పాల్గొన్నారు. బాలకృష్ణకు ఆలయ సాంప్రదాయం ప్రకారం పూర్ణ కలశంతో అర్చకులు స్వాగతం పలికారు. ఆలయంలో బాలయ్య కప్ప స్తంభాన్ని ఆలింగనం చేసుకొని బేడా మండపం చుట్టూ ప్రదక్షిణ చేశారు. అంతరాలయంలో స్వామివారికి పూజలు నిర్వహించారు. అనంతరం వేద పండితుల ఆశీర్వచనం తీసుకున్నారు. దేవస్థానం ఈవో స్వామివారి చిత్రపటాన్ని, ప్రసాదాన్ని బాలకృష్ణకు అందజేశారు.
