హైదరాబాద్‌ మాదాపూర్‌లో వ్యభిచార ముఠా గుట్టు బయటపడింది. S9 స్పా అండ్ సెలూ న్‌లో వ్యభిచార కార్యకలాపాలు జరుగుతున్నట్లు సమాచారం అందుకున్న పోలీసులు.. ఆకస్మికంగా దాడులు చేపట్టారు. ఈ తనిఖీలలో వ్యభిచారం నిర్వహిస్తుండగా రెడ్‌హ్యాండెడ్‌గా పోలీసులు పట్టుకున్నారు. యువతులతో పాటు విటులు, నిర్వాహకులను పోలీసులు అరెస్ట్ చేసి పోలీస్ స్టేషన్‌కి తరలించారు. దేవకుమార్ అనే యువకుడు వ్యభిచారం చేస్తున్నట్టు పోలీసులు గుర్తించారు. ముంబైకి చెందిన ముగ్గురు యువతులతో పాటు ఇద్దరు నిర్వాహకులు, ఇద్దరు విటులను అరెస్ట్ చేశారు. స్పా ముసుగులో వ్యభిచారం నిర్వహిస్తుండగా ముఠాను పట్టుకున్నట్లు సైబరాబాద్ పోలీసులు స్పష్టం చేశారు. ముగ్గురు యువతులను రిస్క్యూ చేసినట్లు తెలిపారు. స్పా నిర్వాహకులపై పోలీసులు కేసు నమోదు చేసుకుని దర్యాప్తు చేపట్టారు.
